Балаларҙың хыялдары тормошҡа ашһын!

Район хакимиәте башлығы Динис Рәдис улы Йосопов  тамаша ҡарарға килгән балаларҙы һәм уларҙың ата–әсәләрен яҡынлашып килгән Яңы йыл менән ҡотлап, һаулыҡ, оҙон ғүмер, шатлыҡ-ҡыуаныстар һәм алдағы йылда көтөлмәгән күңелле мәлдәрҙең күп булыуын теләне.

Ҡыҙҙар һәм малайҙар “Мельница” балалар ижады үҙәге коллективы әҙерләгән әкиәтте ҡараны, сағыу итеп биҙәлгән шыршы тирәләй әйлән-бәйлән өйрөлдө, Балалар сәнғәт мәктәбе һәм Балалар моделле китапханаһы хеҙмәткәрҙәре ойошторған уйындарҙа ҡатнашты.

Һәр кем Ҡыш бабай менән Ҡарһылыуға үҙ һөнәрен күрһәтергә ашыҡты - кемдер шиғыр һөйләне, кемдер йыр йырлап ишеттерҙе. Барыһы ла байрамдан ҡәнәғәт ҡалып, тәмле күстәнәстәр менән таралышты.

Яңы йыл һәр балаға бәхет, илһам һәм тылсымлы мәлдәр килтерһен!

Наилә Имаева.