+30 °С
Болотло
Общие статьи
5 Декабрь 2025, 06:55
Асҡынға телһөйәрҙәр йыйылды
Бөгөн Асҡында “Мельница” Балалар ижады үҙәгендә башҡорт теле һәм әҙәбиәтенән төбәк-ара олимпиаданың муниципаль этабы уҙа. Унда район мәктәптәренән ижади фекерләгән, йөрәгендә башҡорт теленә ҡарата тәрән ихтирам һәм һөйөү йөрөткән рухлы балалар йыйылды.
Асҡынға телһөйәрҙәр йыйылды
Бәйгелә 7-се —11-се кластарҙан барыһы 42 уҡыусы ҡатнаша.
“Быйыл олимиадала ҡатнашыусылар бөтәһе өс турҙа һынау тота: уҡыу программаһына ярашлы викторина һорауҙарына яуап бирә, инша яҙа, һөйләү телмәре кимәлен тикшереү өсөн диалог ҡора, текст буйынса лексик-грамматик бирем үтәй.
Олимпиада призёрҙары һәм еңеүселәре дипломдар менән бүләкләнәсәк, ә 9-сы -11-се кластар араһында еңеүселәр һәм призерҙар интеллектуаль ярыштың республика этабында районыбыҙ исеменән сығыш яһайасаҡ”, — тине район мәғариф бүлегенең туған телдәр буйынса методисы вазифаһын башҡарыусы Лилиә Миңлеғәлиева.
Уҡыусыларға барыһына ла уңыштар, олимпиада эштәрен еңел тапшырып, еңеүгә өлгәшеүҙәрен теләйбеҙ!
Наилә Имаева.
