Башҡортостан Башлығы Үзбәкстан президенты менән осрашыуҙа ҡатнашты

Яҡтар дәүләттәрҙең иҡтисадтың өҫтөнлөклө тармаҡтарында тормошҡа ашырған уртаҡ проекттарын, мәғариф һәм фән өлкәләрендә үҙ-ара эш итеүҙе, төбәктәр хеҙмәттәшлеген тикшерҙе. Башҡортостан Башлығы тулыраҡ мәғлүмәт менән уртаҡлашты.

«Беҙ Үзбәкстан менән күптән төрлө йүнәлештәрҙә тығыҙ эшләйбеҙ. Был осрашыу Башҡортостандың Үзбәкстан менән мөнәсәбәттәрен үҫтереү өсөн яҡшы этәргес булыр тип ышанам, — тип яҙҙы Радий Хәбиров. — Рәсәй Президенты Владимир Путин кеүек үк, Шәфҡәт Миромон улы ла ике илдең төбәктәре араһында партнерлыҡты нығытыуға етди иғтибар бүлә. Артабан эшләйбеҙ».

https://www.bashinform.ru/news/politics/2025-12-04/glava-bashkirii-prinyal-uchastie-vo-vstreche-s-prezidentom-uzbekistana-4492538