Башҡортостанда ҡыштың ҡасан башланыры билдәле булды

Быйыл ҡыш Башҡортостанға ғәҙәттәгенән һуңыраҡ килә. Федераль метеосайттар мәғлүмәттәре буйынса, 6-7 декабрҙә төнгө сәғәттәрҙә 4 градусҡа тиклем һыуыта башлай. Был көндәрҙә шулай уҡ 1,5 миллиметрға тиклем ҡар яуыуы көтөлә.

Дүшәмбе, 8 декабрҙә, республиканың үҙәк райондарында көндөҙ -6 градусҡа, төндә иһә -12 градусҡа тиклем һыуыта. Әммә һалҡын көндәр оҙаҡ тормай. Декабрҙең икенсе аҙнаһында йәнә йылы көтөлә.

Быға тиклем Башҡортостанда декабргә һауа торошо тураһында яҙғайныҡ.

https://www.bashinform.ru/news/social/2025-12-03/stalo-izvestno-kogda-v-bashkiriyu-pridet-zimnyaya-pogoda-4490799