Салауат Юлаев үҙ ваҡытында урынына ҡайтасаҡ!

Бөтә донъя башҡорттары ҡоролтайы башҡарма комитеты рәйесе Юлдаш Йосопов һәйкәлде ремонтлау барышы, цехтағы хәл-торош тураһында һорап, Радий Хәбировтан шәхсән унда барып ҡарарға теләге бармы-юҡмы икәнен белеште.

Быға яуап итеп, халыҡҡа ремонт цехынан трансляция күрһәттеләр.

"Реконструкцияны тотҡарлау ярамай ине. Финанслау ҙа бар, йәмәғәтселек тә мотлаҡ ремонтлау кәрәген аңланы. Планға ярашлы, һәйкәлде генә түгел, ә уның тирәләй майҙан да яңыртыла. Уны 2027 йылда Республика көнөнә асырға ниәт бар", - тине БР Башлығы.

Реконструкциялау ангары Өфөлә, Черниковка биҫтәһендә урынлашҡан. Белгестәр һәйкәл элементтарын таҙарта.

Фото: БР Башлығының матбуғат хеҙмәте.