Ҡариҙел Мәҙәниәт һарайында 39-сы концерт-театр миҙгеле асылды

Байрам кисәһен  район мәҙәниәт бүлеге начальнигы Руслан Булатов асты. Ул һәр артистың, музыканттың һәм китапханасының райондың мәҙәни мираҫын һаҡлауға һәм үҫтереүгә индергән баһалап бөткөһөҙ өлөшөн билдәләне.

Тамашасылар һәр номерҙы көслө алҡыштар менән ҡаршы алды. Һәр  сығыш  илһөйәрлек, ихласлыҡ һәм милли йолаларыбыҙға тәрән һөйөү рухы менән һуғарылғйны.

Махсус хәрби операцияла ҡатнашыусы ир-егеттәргә арналған  йырҙар залда ултырыусыларҙы тормош ҡиммәте, ғүмер хаҡы тураһында уйланырға мәжбүр итте, хатта илатты ла.

Концерт-театр миҙгелен  асыу тамашасылар өсөн ысын сәнғәт һәм илһам байрамына әйләнде. Концертҡа билет һатыуҙан  йыйылған аҡса  махсус хәрби операцияла ҡатнашыусылар ихтыяжына йүнәлтеләсәк. Иң мөһиме, яугирҙарыбыҙ иҫән-һау Еңеү менән әйләнеп ҡайтһын!

Марат Бүләков.

Автор фотолары.