Венер Сәмиғуллинды дәүләт наградаһы алыуы менән ҡотлайбыҙ!

Беҙҙең райондан сарала Асҡын районы хакимиәте башлығы Динис Йосопов, район хакимиәте башлығы урынбаҫары – Ауыл хужалығы бүлеге начальнигы Алмаз Исхаҡов  һәм Ҡашҡанан  "Радуга" крәҫтиән-фермер хужалығы хеҙмәткәре Венер Сәмиғуллин ҡатнашты.

Тантанала ауыл хужалығы тармағы хеҙмәткәрҙәренә дәүләт наградалары тапшырылды.

Бүләкләнеүселәр араһында Венер Сәмиғуллин да бар ине. Райондашыбыҙға күп йыллыҡ намыҫлы хеҙмәте һәм райондың ауыл хужалығы тармағын үҫтереүгә ҙур өлөш индергәне өсөн «Башҡортостан Республикаһының атҡаҙанған ауыл хужалығы хеҙмәткәре» тигән маҡтаулы исем бирелде.

Венер Рәфил улын лайыҡлы награда алыуы менән ҡотлайбыҙ һәм артабан да ҙур уңыштар теләйбеҙ!

Наилә Имаева.