Сентябрҙә әбейҙәр сыуағы булырмы?

Сентябрҙә ниндәй һауа торошо көтөлә?

Әбейҙәр сыуағы булырмы?  

“Башгидрометеүҙәк” фаразы буйынса, киләһе көндәрҙә яуым-төшөм, йәшенле ямғырҙар көтөлә.

Августың һуңғы көндәрендә +16...+22 градус йылы була.

Ә сентябрҙең башы йылы тора, тип вәғәҙәләй Рәсәй “Гидрометеорология” үҙәге. Тәүге көндәрҙә һауа температураһы +22....+25 градус йылы булыр тип фаразлана. Яуым-төшөм көтөлмәй.

Сентябрҙең икенсе ун көнлөгөндә лә йылы һауа торошо торасаҡ. Тәүлек әйләнәһенә +15...+23 градус торасаҡ.

Айҙың өсөнсө ун көнлөгөндә һауа температураһы яйлап төшә башлай: +8...+12 градус йылы күрһәтә, ямғырҙар ҙа күҙаллана.

Ләйсән Үтәғолова фотоһы.