Ваҡыт саҡырыуҙары һәм үҫештең яңы контекстары

Мәғариф буйынса республика август кәңәшмәһе «Башҡортостан Республикаһында мәғарифты үҫтереү: ваҡыт саҡырыуы һәм үҫештең яңы контекстары» темаһына арналды.

Бөгөн 10 дискуссия майҙансығында мәғариф системаһын үҫтереү буйынса мөһим мәсьәләләр ҡарала. Педагогтар, мәктәп һәм балалар баҡсалары етәкселәре, методистар һәм юғары уҡыу йорттары вәкилдәре ошо дискуссия майҙансыҡтарында эшләй.

Иғтибар үҙәгендә — уҡыусыларҙың һөнәри йүнәлеш алыуы, педагогик кадрҙар әҙерләү, мәктәпкәсә белем биреүҙе үҫтереү, колледждарҙа тәрбиәүи эш, балаларҙы иҫкәртеүгә һәм уларға ярҙам итеүгә яңы алымдар, заманса стандарттар һәм технологиялар индереү.

Райондың мәғариф бүлеге начальнигы Зөлфирә Селянина етәкселегендәге Асҡын делегацияһы составына мәғариф бүлеге начальнигы урынбаҫары Зөбәржәт Ғәлина, кадрҙар һәм ойоштороу-хоҡуҡи эш секторы мөдире  Гөлназ Имаева, методистар: Гөлмирә Рәжәпова, Ольга Балакина һәм Индира Миңлеғәлиева инде.

Методистар билдәләүенсә, педагогтар советында балаларҙы һәм йәштәрҙе патриотик тәрбиәләү мәсьәләһен өҫтөнлөклөләр иҫәбендә тикшерәләр.

Ысынлап та, һуңғы йылдарҙа белем биреү процесы уҡыу программаһы сиктәренән йышыраҡ сыға. Аныҡлабыраҡ әйтһәк, «Мөһим нәмә тураһында Һөйләшеү» дәрестәре, флаг күтәреү һәм гимн башҡарыу тантаналары индерелде, тәрбиә буйынса кәңәшселәр барлыҡҡа килде.

Президент Владимир Путин да мәктәптәрҙә патриотик тәрбиәнең мөһимлеге тураһында күп тапҡырҙар һөйләне.

Башҡортостанда  ла был мәсьәләне юғары кимәлдә контролдә тоталар. Мәҫәлән, 2024 йылдың мартында төбәк Башлығы Радий Хәбиров указы менән граждандарҙы патриотик тәрбиәләү буйынса Республика координация советы ойошторолдо. Уның төп бурысы – тәрбиә мәсьәләләренә системалы ҡараш булдырыу.

Рәсәй Федерация Советында хәрби-патриотик тәрбиә биреү буйынса совет ултырышында Радий Хәбиров, хәҙерге хәл йәштәрҙе патриотик тәрбиәләү менән шөғөлләнергә уникаль мөмкинлек бирә, тип билдәләне. Беҙҙә, бер яҡтан, бындай тәрбиәгә ихтыяж ҙур, икенсе яҡтан, был эште профессиональ рәүештә ҡуйыу, уны тейешле кимәлгә күтәреү өсөн уникаль мөмкинлек бар, — тине Рәдиә Хәбиров. — Сөнки йәштәр ата-әсәләренең, күршеләренең, туғандарының, яҡындарының аныҡ миҫалдарында тарихи процестарҙың һәр ғаилә тормошонда ни тиклем тәрән сағылыш тапҡанын, ысын патриоттың кем икәнен һәм патриот  булыуҙың ни тиклем мөһим икәнен аңлай.

Наилә Имаева.