Бер юлы өс яҡташыбыҙ һәләк булған

Ҡот осҡос авария Һамар өлкәһенең Сызрань ҡалаһы янында булған...

Кис көнө ауыр хәбәр еткерәбеҙ: Өфө ҡалаһынан өс яҡташыбыҙ Һамар өлкәһендә юл-транспорт ваҡиғаһында һәләк булған. Вафат булыусылар араһында Инорс  мәктәбенең башланғыс класс уҡытыусыһының да булыуы асыҡланған.

"Урал" М5 федераль трассаһының 897-се километрында ҡот осҡос фажиғә теркәлгән. "Мерседес" ҙур йөк машинаһы менән "Форд Фокус" автомобиле бәрелешкән. Ваҡиға урынында шунда уҡ 31 йәшлек автомобиль водителе, 79 һәм 59 йәшлек пассажир ҡатын-ҡыҙҙар вафат булған.

Әле ваҡиға урынында тикшереү эштәре башланған, авария сәбәптәре асыҡлана.

Юлдарҙа һаҡ булығыҙ, тиҙлек режимын арттырмағыҙ!

Фотоҙ:видеонан скриншот.