Республикала яҙғы саҡырылыш үткәреү мәсьәләләре буйынса кәңәшмә үтте

Республикала яҙғы саҡырылыш үткәреү мәсьәләләре буйынса кәңәшмә үтте

Хәрби хеҙмәткә саҡырылыусылар махсус хәрби операция үткәреү зонаһына ебәрелмәйәсәк. Был хаҡта республика муниципалитеттары менән кәңәшмә барышында Башҡортостан Хөкүмәте Премьер-министры урынбаҫары Ирек Сәғитов белдерҙе.

Хәтерегеҙгә төшөрәбеҙ, Рәсәйҙә 1 апрелдән армияға яҙғы саҡырылыш башланды, ул 15 июлгә тиклем дауам итәсәк. Йыйылыу пункттарынан саҡырылыусыларҙы оҙатыу апрель уртаһында башлана. Хеҙмәт итеү ваҡыты, элеккесә, бер йыл тәшкил итә.

2024 йылдың 1 ғинуарынан хәрби хеҙмәткә саҡырыу йәше - 18 йәштән 30 йәшкә тиклем. "Хәрби хеҙмәткә саҡырылыусыларҙың өстән бер өлөшө уҡыу берләшмәләренә һәм хәрби частарға ебәреләсәк. Унда биш ай дауамында улар заманса хәрби техниканы үҙләштереп һөнәр ала аласаҡ, - тип хәбәр итте Ирек Сәғитов. - Хәрби хеҙмәткә саҡырылыусылар махсус хәрби операция үткәреү зонаһына ебәрелмәйәсәк. Билдәләнгән срокты үтәгәндәр ваҡытында хеҙмәттән бушатылып, йәшәү урындарына ҡайтарыласаҡ».

Автор:Аклима Гизатуллина

Башҡортостан