Ришат Марат улы Дихин иҫтәлегенә бағышланды

Ватанды һаҡлаусылар һәм махсус хәрби операцияла ҡатнашыусыларға  һәм уларҙың ғаиләләренә ярҙам итеү йылына бағышланған  быйылғы сарала  район хакимиәте башлығы Динис Йосопов, район мәғариф бүлеге начальнигы Зөлфирә Селянина, район мәғариф бүлегенең туған телдәр буйынса методисы Мөнзилә Әхмәтова, Ришат Марат улының әсәһе Розалия апай Дихина, тормош иптәше Гөлназ Дихина улы Рамзан менән, ике туған ағаһы Жәлил Дихин тормош иптәше Любовь менән ҡатнашты.

Быйылғы конференцияла шулай уҡ Балтас районы ветерандар ойошмаһы етәксеһе — Рифат Сафин, Юғары Йәркәй мәктәбе уҡытыусыһы Гөлнара  Мифтахова етәкселегендә  7-се класс уҡыусыһы  Инсаф Мифтахов  менән 6-сы класс уҡыусыһы  Аделина Шәйхетдинова  ҡатнашып, матур итеп   сығыш яһаны.

Конференция  ике турҙан торҙо. Беренсе һайлап алыу турына 75 эш ҡабул ителде.  Ришат Дихиндың шиғырҙарын яттан һөйләү  конкурсына 45 уҡыусы видеосюжет ебәрҙе.

Ватанды һаҡлаусылар һәм махсус хәрби операцияла ҡатнашыусыларға  һәм уларҙың ғаиләләренә ярҙам итеү йылы сиктәрендә  башҡорт, татар, рус, инглиз телдәрендә эҙләнеү-тикшеренеү һәм төрлө жанрҙа “ Улар Ватан  өсөн  алышты”,  “Тере хәтер”, “Минең яҡташтарым — минең ғорурлыҡ” тигән темаларға уҡыусылар бай йөкмәткеле тикшеренеү эштәре яҙып, бик матур итеп сығыш яһаны.

Эҙләнеү-тикшеренеү эштәре яҙыу  номинацияһында  еңеүселәргә  район мәғариф бүлегенең Почет грамотаһы  һәм Гөлназ Рәзиф   ҡыҙы әҙерләгән күстәнәс тапшырылды.

Наилә Имаева.