“Герой партаһы” асылды

Ауыл биләмәһе башлығы Илшат Сөләймәнов, мәктәп директоры Ирек Әндерйәнов, педагогик хеҙмәт ветераны Хәмзә Сөләймәнов, китапханасы Фәнүзә Мөғәллимова, батырҙың тормош иптәше Гөлнара Рәхмәт ҡыҙы, алып барыусылар Эльза Закирйәнова һәм Илмир Сөләймәнов оло хөрмәт менән райондашыбыҙ тураһында һөйләне. Дамир Риза улының уҡытыусыһы Ләлә Гәрәева уға арнап шиғыр яҙған, шулай уҡ уҡыусылар патриотик рухта шиғырҙар уҡыны, йырҙар башҡарҙы.

“Герой партаһы”на беренсе ултырыу хоҡуғы батырҙың ҡыҙы Нурияға һәм Яугилде мәктәбе уҡыусыһы Наил Исламовҡа бирелде.

Лилиә Бәҙретдинова.