Асҡында "Рәсәйҙең саңғы юлы - 2025" Бөтә Рәсәй ярышы ҙур ойошҡанлыҡ менән үтте

Спорт байрамында ике йөҙгә яҡын саңғысы ҡатнашты. Улар араһында иң бәләкәй саңғысылар ҙа, данлыҡлы спорт ветерандары ла бар ине.

Ярыш  2 км һәм 1 км дистанцияларҙа үтте. Был ярыш ҡатнашыусыларға үҙҙәренең спорт оҫталыҡтарын һынап ҡарарға, көслө яҡтарын асыҡларға һәм еңеү өсөн көрәшергә мөмкинлек бирҙе.

Саңғы ярышында, иң ныҡышмалы саңғысылар еңеүсе булды.

"Рәсәйҙең саңғы юлы - 2025" ярышында ҡатнашыусыларҙың барыһы ла шатлыҡ һәм ҡәнәғәтлек алды, сөнки был спорт байрамы еңеүҙе маҡсат итеп ҡуйыу түгел, ә сәләмәтлек һәм ихтыяр көсө лә күрһәтеү ине.

Район Мәҙәниәт йорто аритистары күңелле йырҙары менән ярышҡа байрам кәйефе өҫтәне. Асҡын 1-се мәктәбе, Асҡын 2-се балалар баҡсаһы, район үҙәк дауаханаһы коллективтары иһә сәй табыны ла ҡоршап, саңғысыларҙы ҡайнар сәй менән дә һыйланы.

Наилә Имаева.