Хөрмәтле ағинәйгә 100 йәш тулды!

Ания  Ғилфан ҡыҙы  1925 йылдың 15 ғинуарында Борай районы Сәйет-Көрйә ауылында 13 балалы ғаиләлә өсөнсөһө булып донъяға килә.

Ания Ғилфан ҡыҙы  — тыл хеҙмәткәре, «Әсәлек даны», шулай уҡ Бөйөк Ватан һуғышы йылдарында тылдағы фиҙаҡәр  хеҙмәте өсөн миҙалдар менән бүләкләнгән,  «Хеҙмәт ветераны» исемен дә лайыҡлы йөрөтә.

Ул бар ғүмерен Чапай колхозында  эшләүгә арнай: комбайынсы, тракторсы була. Үҙ иңенә төшкән бар ауырлыҡтарҙы  сабырлыҡ менән кисерә. Хөрмәтле ағинәй  — Бөйөк Ватан һуғышы ветеранының тол ҡатыны.

Тормош  иптәше Фәйзелғаян  Солтанғәли улы Солтанғәлиев менән  55 йыл татыу ғүмер итеп,  һигеҙ бала тәрбиәләп үҫтерәләр.

Бөгөн Ания Ғилфан ҡыҙы балаларының, 59 ейән-ейәнсәренең һәм бүлә-бүләсәрҙәренең ҡәҙер-хөрмәтендә  бәхетле ғүмер итә.

Ания Ғилфан ҡыҙын оло юбилейы – 100 йәше менән ҡайнар ҡотлайбыҙ һәм уға ныҡлы сәләмәтлек, йән тыныслығы, артабан да шулай балаларының ҡыуаныслы хәбәрҙәрен генә ишетеп, ҡәҙер-хөрмәттә бәхетле йәшәүен теләйбеҙ.

Наилә Имаева.

Сығанаҡ:  Рушан Гараев