Любимовка халҡы 100 процент тауыш бирҙе

Петропавловка ауыл биләмәһенә ете ауыл ҡарай. Шуларҙың береһе — Любимовка. Ауылда ете хужалыҡта 20 кеше йәшәй. Күпселеге — ололар.  Шуларҙың 16-һы һайлау хоҡуғына эйә. Әлеге һайлауға ла улар һәр ваҡыттағыса яуаплы ҡарап, һәр береһе үҙ машиналарында килеп, тауыш бирҙе.

• Бәләкәй генә ауыл булһа ла, Любимовкала халыҡ бик әүҙем, яуаплы. Бына бөгөн дә ауылдың ихтирамлы кешеләре — Людмила һәм Геннадий Накаряковтар парлашып килеп, йәштәргә матур өлгө күрһәтте, шулай уҡ Цвырковтар, Виктор Уваров һәм башҡалар килеп гражданлыҡ бурысын үтәне. Дөйөм әйткәндә, ауыл халҡы 100 процент тауыш бирҙе.

Һайлауҙың өс көнө лә тыныс шарттарҙа үтте. Ауыл биләмәһе башлығы булараҡ, был минең өсөн бик мөһим. Ике участкала ла үҙ бурыстарына яуаплы ҡараған комиссия ағзаларына, полиция хеҙмәткәрҙәренә, йәмәғәт күҙәтеүселәренә һәм блогерҙарға рәхмәтемде еткерәм. Бөгөнгө 17.00 сәғәткә Петропавловкала халыҡтың — 85, Ҡыйғаҙыла 84 проценты үҙ тауышын бирҙе. Был бик яҡшы күрһәткес, — тип һөйләне Петропавловка ауыл биләмәһе башлығы Альбирт Ҡәҙимов.

Илһөйәр Махатова.

Альбирт Ҡәҙимов фотолары.