Асҡын районында барлыҡ һайлау участкалары ябылды

Республика халҡы менән бергә асҡындар  Башҡортостан Башлығын һайлауҙан тыш, муниципаль район Советына,  Табаҫҡытамаҡ ауыл Советына, шулай уҡ  Урмияҙ ауыл Советына (1-се  һайлау округына өҫтәмә ) депутаттар һайланы. Пайондаштарыбыҙ һайлау участкаларына килеп, гражданлыҡ бурысын үтәп, тыуған төйәгебеҙҙең киләсәгенә  үҙ өлөшөн индерҙе.

Асҡын  районында барыһы  47 һайлау участкаһы урындағы ваҡыт буйынса иртәнге 8:00 сәғәттән 20:00 сәғәткә тиклем эшләне.   

Әйткәндәй, оло йәштәгеләр, инвалидтар, ауыр сирле кешеләр, уларҙы ҡараусылар, шулай уҡ башҡа сәбәптәре булғандар өйҙә тауыш бирә алды.

Тауыш биреүҙең яҡынса һөҙөмтәләре 9 сентябрҙә иртән билдәле була.

Наилә  Имаева.