Һайлау участкалары асылды

Бөгөн, 7 сентябрҙә, Асҡын районында 47 һайлау участкаһы ғәҙәттәгесә урындағы ваҡыт буйынса иртәнге сәғәт 8-ҙә Рәсәй Федерацияһы һәм Башҡортостан Республикаһы дәүләт гимндарын башҡарыуҙан эшләй башланы.

Кисә һайлауҙың беренсе көнө һөҙөмтәле үтте - күптәр тауыш биреп өлгөрҙө. Кемдәр һайлауҙа ҡатнашып өлгөрмәгән, борсолмағыҙ, тағы ла ике көн бар: бөгөн һәм иртәгә.

Иҫегеҙгә төшөрәбеҙ, 6, 7, 8 сентябрҙә Башҡортостан Башлығын, шулай  уҡ Асҡын районында  муниципаль район Советына,  Табаҫҡытамаҡ ауыл Советына һәм Урмияҙ ауыл Советына (1-се  һайлау округына өҫтәмә)  депутаттар һайлана.

#ВыбираемГлаву #Выборы2024 #Башкортостан

Наилә Имаева.