Йондоҙнамә (17-23 июнь)

Ылаҡ (22.12 – 20.01)

Түҙемлек һәм үҙ-үҙеңде тота белеү һәр саҡ кәрәк булыр. Тап ошо сәбәпле генә көндәрҙе тыныс һәм хаталанмайынса үткәрерһегеҙ. Кесе йомала алыҫтан яҡшы хәбәрҙәр килер.

Һыуғояр (21.01 – 19.02)

Шишәмбелә өйөгөҙҙә бәхәстәр сығыуы ихтимал. Улар оҙаҡҡа һуҙылмаҫ, барыһын да ҡәнәғәтләндерерлек ҡарар тиҙ табылыр һымаҡ. Төп эшегеҙҙә ишеткән хәбәрҙәргә артыҡ ышанмағыҙ, улар дөрөҫлөккә тап килмәй.

Балыҡ (20.02 – 20.03)

Ҡәҙимге аҙна. Шаршамбыла ғына ниндәйҙер икеле хәлгә осрарһығыҙ. Тәүге тәьҫораттарығыҙ яңылыш булып, хаталы юлдан китеүегеҙ мөмкин. Мәсьәләнең асылына төшөнөү өсөн бер аҙ ваҡыт талап ителер.

Ҡуҙы (21.03 – 20.04)

Көндәр яҡшы килер. Шишәмбелә яҡын кешегеҙҙән күңелегеҙҙе күтәрерлек яҡшы хәбәр ишетерһегеҙ, бәлки. Кесе йомала тормошоғоҙға элек булмаған яңылыҡ инер. Был осорҙа аралашыуҙар еңел үтер.

Буға (21.04 – 21.05)

Шишәмбелә ыңғай ваҡиғалар көтөгөҙ. Кесе йомала таныш эшегеҙ ҙә ауырлыҡ менән барыр һәм уға ҡәҙимгенән икеләтә күберәк ваҡытығыҙ китер. Хаталар ҙа һағалап тора кеүек.

Игеҙәктәр (22.05 – 21.06)

Йондоҙҙар һәр хәлдә лә ныҡышмалыраҡ эш итергә ҡуша. Сөнки был арала уйламаған ҡаршылыҡтар күбәйер. Шаршамбыла кеше йомоштары менән булышырһығыҙ, ахыры.

Ҡыҫала (22.06 – 23.07)

Икеле хәлдәр йыш осрар. Йондоҙҙар ашығыс аҙымдар яһамаҫҡа саҡыра. Бер аҙ ваҡыт үткәс, күҙегеҙ асылыр һәм эштең асылын аңлай башларһығыҙ. Аҙнаның икенсе яртыһы уңышлыраҡ көтөлә.

Арыҫлан (24.07 – 23.08)

Шишәмбе бигерәк тә яҡшы үтер. Аҡса йәки бүләктәр алырһығыҙ. Күптән күрмәгән кешеләр был арала үҙҙәре хаҡында белдерер. Һөйләшеүҙәр ике яҡ өсөн дә файҙалы булмаҡсы.

Ҡыҙ (24.08 – 23.09)

Аҙна барышында төрлө мәшәҡәт килеп сығыр. Шишәмбеләге ваҡиғалар тиҙ эш итергә мәжбүр итер. Иң тәүге аҙымығыҙ дөрөҫ булмаҡсы – быны ваҡыт үткәс кенә белерһегеҙ. Кемдер икенсе кеше күңеленә юл эҙләр.

Үлсәү  (24.09 – 23.10)

Шишәмбенән һуң ҡыйынлыҡтар артыр. Ҡайһы бер эшкә ваҡытығыҙ етмәҫ, уны кисектереп торорға кәрәктер, бәлки. Кесе йомала бик иғтибарлы булығыҙ. Яңылыш ебәргән хаталарҙың бик ҡиммәткә төшөүе бар.

Саян (24.10 – 22.11)

Был арала күпте булдырырһығыҙ. Алдан төҙөгән ниәттәрегеҙгә өҫтәмә мәсьәләләр килеп ҡушылыр. Бәләкәйерәк эштәрҙе ярҙамсыларығыҙға ҡушығыҙ. Кесе йомала бик кәрәкле һәм мөһим яңылыҡ ишетерһегеҙ.

Уҡсы (23.11 – 21.12)

Бөтә эшегеҙ ҙә уйламағанса еңел барыр. Шаршамбыла һиҙелерлек уңыш көтә. Аҙнаның икенсе яртыһында ла ыңғай ваҡиғалар осрап торор. Бөтөнләй көтөлмәгән тәҡдим дә алырһығыҙ кеүек. Уға ризалашһағыҙ, аҙаҡ үкенмәҫһегеҙ.

ӨМӨТБАЙ.

https://ye102.ru/articles/mahsus/2024-06-16/yondo-nam-17-23-iyun-3805125