Эҫелә һыуҙы мотлаҡ шулай эсегеҙ

Көн эҫе ваҡытта ҡаты сәй һәм ҡәһүә эсеү яҡшыға түгел, хатта һыуытылған татлы эсемлек тә һыуһынды ҡандырмай. Ә нимә эсергә кәрәк һуң? РИАН хәбәрсеһе менән әңгәмәләшкәндә Мәскәүҙәге 220-се поликлиниканың баш табибы Андрей Тяжельников түбәндәгеләрҙе белдергән.

Эҫе көндө кеше тирләй, һөҙөмтәлә организм һыуға мохтаж була. Белгес эҫе, томра көндәрҙә һыуҙы аҙлап эсергә кәңәш итә. Әгәр уға емеш-еләк, лимон һуты, бөтнөк ҡушһаң, һыу витаминдар менән байытыла. Тағы минераль һыу эсергә мөмкин.