“Еңеү тәҙрәләре” акцияһына ҡушылдылар

Иң ҡәҙерле байрамдарыбыҙҙың береһе —  Бөйөк Еңеүҙең 79 йыллығын билдәләргә йыйынабыҙ.

1 майҙан 9 майға тиклем Рәсәйҙә "Еңеү тәҙрәләре" акцияһы үтә. Маҡсаты — байрам атмосфераһы тыуҙырыу, йәш быуынға изге традицияларҙы тапшырыу, Бөйөк Ватан һуғышы геройҙарына рәхмәт тойғоларын еткереү, үлгәндәрен иҫкә алыу.

Һәр теләгән кеше, өй тәҙрәләрен Бөйөк Еңеү символдары менән биҙәп, акцияға ҡушыла ала.

Упҡанкүл ауыл мәҙәниәт йорто хеҙмәткәрҙәре лә ҙур теләк менән Бөйөк Еңеүҙең 79 йыллығына арналған  "Еңеү тәҙрәләре" Бөтә Рәсәй акцияһына  һәм “Үлемһеҙ полк” проектына ҡушылды.