Искәндәр беренсе тапҡыр тауыш бирҙе

Искәндәр Нурғәлиев Солтанай 914-се участка һайлау комиссияһында тәүге тапҡыр үҙенең һайлау хоҡуғы менән файҙаланды. Ул Асҡында Башҡорт  ауыл хужалығы етештереү колледжының 3-сө курсында белем ала.

• Миңә 18 йәш февралдең 18-ендә тулды. Һайлау булырын белә инем, сөнки апайым Регина унда блогер-күҙәтеүсе булып тора. Мөһим сараға үҙ өлөшөмдө индереүемә бик шатмын. Һайлау участкаһында ҡотлап бүләк тә бирҙеләр, — ти Солтанай 914-се һайлау участкаһында тәүге тапҡыр тауыш биреүсе Искәндәр Нурғәлиев.

Илһөйәр Махатова.