Илебеҙ тыныс, донъялар имен булһын тип

Махсус хәрби операцияла ҡатнашыусы райондаштарыбыҙҙың ата-әсәләре, тормош иптәштәре, туғандары Ҡыйғаҙы һәм Петропавловка ауылдарында урынлашҡан участка һайлау комиссияларына килеп, лайыҡлы кандидат өсөн тауыш бирҙе.

— Был бик мөһим һайлау. Илебеҙ әлеге мәлдә бик ауыр осор кисерә. Беҙ лайыҡлы, абруйлы кандидат Президент вазифаһына һайланып, бергәләп ауырлыҡтарҙы еңеп сығырбыҙ, улдарыбыҙ, тормош иптәштәребеҙ хәрби операция барған ерҙән иҫән-имен, Еңеү менән әйләнеп ҡайтыр, тигән өмөттәбеҙ, — ти Саҙертдиновтар һәм Накаряковтар.

Илһөйәр Махатова.