Гран-при — Солтанбәк мөслимәләрендә

“Башҡортостан мөслимәләре” берлегенең Асҡын филиалы ойоштороп үткәргән конкурста алты команда: Ҡашҡанан  — “Иман нуры”, Упҡанкүлдән — “Сәғәдәт”, Солтанбәктән — “Ихластар”, Асҡындан — “Шөкөрҙәштәр”, Урмияҙҙан — “Нәсихәт” һәм Ҡубияҙҙан “Берҙәмдәр” көс һынашты.

 Барлыҡ команда ла бәйгегә етди әҙерләнеп килгән: Ҡөрьән сүрәләрен уҡыу, тәфсирен аңлатыу, хәҙисте дауам итеп, тәржемә итеү,  йәмғиәттә дини һәм  әхләҡи тәрбиә биреүгә ҙур өлөш индергән күренекле ҡатын-ҡыҙҙар тураһында мәғлүмәт еткереү, һорау-яуап биремдәрен баһалау еңел булманы.

Мөслим хәҙрәт Ямалетдинов рәйеслегендә Сәлимә  Әбүбәкерова, Раушания Әхмәҙишина, Зимфира Закирова, Мәсүфә Мәхмүтованан торған мәртәбәле  жюри бәйгегә  йомғаҡ яһап, еңеүселәрҙе  билдәләне.

Гран-приға Солтанбәк мөслимәләре лайыҡ булды.

 1-се урында — “Сәғәҙәт”,  2-се урында  — “Берҙәмдәр”, “Шөкөрҙәштәр”, 3-сө урында “Нәсихәт” һәм “ Иман нуры” командалары.

 Ғилем алыу, тәжрибә уртаҡлашыу маҡсатында ойошторолған конкурс бер тында үтте. Командалар Дипломдар һәм иҫтәлекле бүләктәр алды.

  Артабан барыһы ла бергә өйлә намаҙын уҡып, сәй табыны янында аралашыуҙарын дауам итте.

 Миләүшә Нурмөхәмәтова.