Ҡарткиҫәктәр яугирҙарға 110 банка тушенка әҙерләне!

Бөгөн Ҡарткиҫәк мәктәбе ашханаһында ауылдың әүҙем, тырыш, уңған халҡы йыйылып, бергәләп хәрбиҙәргә тушенка әҙерләне.
Һәр кем үҙ мөмкинлектәренән сығып, был сауаплы һәм изге эштә ҡатнашты. Кемдер ит, кемдер банкалар, май алып килә. Мәҫәлән, Данис Абраров ике бот ит килтерә. Бына шулай, тамсыларҙан күл йыйыла тигәндәй, ҡарткиҫәктәр бергәләп тотонғас, бер көндә 110 банка тушенка әҙерләп тә ҡуйҙы.
Афарин, ҡарткиҫәктәр! Ҡылған изгелектәрегеҙ үҙегеҙгә мең сауап булып, кире әйләнеп ҡайтһын! Һеҙҙең башҡарған изге эштәрегеҙ, әҙерләгән ризыҡтарығыҙ яугирҙарға көс-дәрт өҫтәһен, Еңеүҙе яҡынайтһын!

Наилә Имаева.