Әсәйҙәр хөрмәтенә

Шәмбе көндө иң ҡәҙерле, ғәзиз кешеләребеҙ — әсәйҙәргә арнап, Солтанай мәҙәниәт йортонда “Һәр ваҡыт булһын әсәй!” тип аталған концерт программаһы ойошторолдо. Ауыл китапханасыһы, мәҙәни саралар ойоштороусы Лилиә Сәмиғуллина етәкселегендә балалар әсәйҙәр хөрмәтенә шиғырҙар һөйләне, йырҙар йырланы, дәртле бейеүҙәр башҡарҙы.

Яубүләк ауыл советы исеменән Алһыу Йосопова күп бала тәрбиәләп үҫтергән,  “Әсәлек даны” миҙалына лайыҡ булған һәм әлеге ваҡытта улдары махсус хәрби операцияла ҡатнашыусы гүзәл заттарҙы ҡотлап, изге теләктәрен еткерҙе.

Илһөйәр Махатова.

Рәйсә Сәләхетдинова фотолары.