Көҙһылыуҙа ҡунаҡта

Ҡашҡа ауылының “Аҡбуҙат” балалар баҡсаһы тәрбиәсеһе Флидә Нәфҡәт ҡыҙы Ғәлләмова, музыкаль етәксе Эльвира Ҡәҙим ҡыҙы Фазлетдинова балаларҙың көҙ тураһындағы белемдәрен арттырыу,  емеш-еләк, йәшелсәләрҙе айыра белергә, исемдәрен рус һәм башҡорт телдәрендә дөрөҫ әйтергә өйрәтеү, тел байлығын байытыу маҡсатында Уңыш байрамы үткәрҙе.

Өй эше итеп балаларға ата-әсәләре ярҙамында төрлө эшләнмәләр эшләп алып килергә ҡушылғайны. Венера Ғәйбәҙуллина — ҡыҙы Гүзәл, Индира Яруллина — ҡыҙы Ариана, Гөлназ Митрофанова — улы Алмаз, Зинфира Насертдинова ҡыҙы Азалия менән төрлө материалдар, йәшелсәләр ҡулланып, береһенән-береһе матур әйберҙәр яһап алып килгән.

Балалар Көҙһылыуға (был ролдә Эльза Юныс ҡыҙы Әфтәхова) һөнәрҙәрен күрһәтте, тырышып-тырышып төрлө биремдәрҙе үтәне.

Байрам бик күңелле һәм кескәйҙәр өсөн фәһемле үтте.