Яубүләктә тырыш халыҡ йәшәй

Яубүләк ауылын белмәгән кеше юҡтыр. Юл буйында урынлашҡанлыҡтан һәр уҙыусының иғтибар үҙәгендә ул. Яубүләктәр үҙенең уңғанлығы, тырышлығы менән ауылды йәмләп йәшәй. Әлеге мәлдә эшһөйәрҙәр хеҙмәт емештәрен барлап, ҡышҡылыҡҡа әҙерләнә.

Светлана һәм Әлфир Шәйхинуровтар ҙа хужалыҡтарында күпләп мал аҫрай, ҡош-ҡорт үҫтерә. Ошо көндәрҙә улар күршеләре ярҙамы менән ҙур өмә эшләп, йәй буйына үҫтергән себештәрен һуйып, эшкәртеп ҡуйҙы. “Бергә башҡарғас, эш еңел дә, күңелле  лә булды. Рәхмәт уңған күршеләремә”, — ти булдыҡлы хужабикә.