Тәүге тапҡыр тауыш бирҙе

Бөрө медицина-фармацевтика колледжының 1-се курсында акушер белгеслегенә  уҡып йөрөгән Гөлгөнә Әбдрәхимова быйыл тәүге тапҡыр үҙенең һайлау хоҡуғы менән файҙаланды.

• Миңә 18 йәш март айында тулды. Һайлау булырын белә инем, шуға атап ҡайттым. Мөһим сараға үҙ өлөшөмдө индереүемә бик шатмын. Һайлау участкаһында ҡотлап бүләк тә бирҙеләр. Хәҙер беҙҙең өйҙән һайлауға ике кеше — атайым менән мин йөрөйәсәбеҙ. Нияз туғаным да ике йылдан тауыш биреү хоҡуғына эйә буласаҡ, — ти Солтанай 914-се һайлау участкаһында тәүге тапҡыр тауыш биреүсе Гөлгөнә Әбдрәхимова.

Илһөйәр Махатова.