Асҡын 2-се балалар баҡсаһының өлкән тәрбиәсеһе Эльза Нафиҡова “Иң яҡшы һанлы дәрес” республика конкурсында ҡатнашып, “Мәктәпкәсә белем биреү ойошмаһында белем биреү эшмәкәрлеге” номинацияһында икенсе урын яуланы.
Эльза Фәнит ҡыҙы Асҡын 2-се балалар баҡсаһында 19 йыл эшләй, шуның һигеҙ йылын өлкән тәрбиәсе вазифаһын башҡара. Һәләтле, үҙ эшен ихлас яратҡан тәрбиәсе район һәм республика конкурстарында, районда үткән мәҙәни һәм спорт сараларында даими ҡатнаша.
Эльза Фәнит ҡыҙын ысын күңелдән ҡотлайбыҙ һәм киләсәктә лә балаларға тәрбиә биреү эшендә уңыштар теләйбеҙ!
Илһөйәр Махатова.