“Милли кейемдәрҙе ҡыҙҙарыма-ейәндәремә тапшырам”

Фәнизә Рахман ҡыҙы тормош иптәшенең өләсәһенең 70 йыллыҡ күлдәге, шулай уҡ бик боронғо алъяпҡыс тарихы тураһында һөйләне.

• Был күлдәкте тормош иптәшем Марселгә өләсәһе тапшырған булған. Беҙ өйләнешкәс ул миңә өләсәйҙең төҫө итеп һаҡларға ҡушып бирҙе. Мин уны ҡыҙым Диләрәгә тапшырам, ул үҙ сиратында үҙенең ҡыҙына ҡәҙерле ҡомартҡы итеп бирәсәк. 14 ейән-ейәнсәремдең һигеҙе ҡыҙ бала, уларға тарихыбыҙҙы һөйләп, милли кейемдәребеҙ менән таныштырып ҡуярға тырышам, — тип һөйләне ул.

Фәнизә апай шулай уҡ үҙҙәренең “Гөлнәзирә” фольклор коллективының сәхнә кейемдәре менән дә таныштырҙы.