Бөтә яңылыҡтар
Общие статьи
1 Октябрь 2022, 17:00

Ҡулдарында нағыш балҡый

Ҡараяр ауылында 91 йәшлек Әҡлимә инәй Латыпова йәшәй. Ауылдаштары уны бик алсаҡ, тормошто яратыусы, киң күңелле булғаны өсөн хөрмәт итә.

Ҡулдарында  нағыш балҡый
Ҡулдарында нағыш балҡый

Әҡлимә Ғәбделәхәт ҡыҙы үҙенең күркәмлеге, йылылығы менән арбап тора. Уның йортона инеү менән һәр ерҙә бөхтәлек күҙгә ташлана. Ә инде күҙ нурҙарын түгеп, үҙ ҡулдары менән бәйләгән, сиккән, теккән әйберҙәрен күреп, уның оҫталығына һоҡланмау мөмкин түгел. Әле лә ул үҙенең төрлө төҫлө ептәренән матур нағыштар сигә. Оҫтабыҙҙың ҡул эштәре күпме күргәҙмәләрҙә, байрам-кисәләрҙә булып ҡайтҡан! Мәҫәлән, быйыл “Айыҡ ауыл” республика конкурсы сиктәрендәге сараларҙа уның биҙәктәрен ҡунаҡтар, ауылдаштары күреп ҡыуанды. Хатта БСТ-ның “Бәхетнамә” тапшырыуында ла булдылар.
Әҡлимә инәй аш-һыуға ла бик оҫта. Ул магазиндан икмәк һатып алмай, унынсы тиҫтәһен ваҡлаһа ла уны үҙе һала. Бешергән бәлештәренең тәмлелеген ауылдаштары һәр саҡ маҡтап телгә ала. Дини мәжлестәргә лә Әҡлимә инәй тик үҙе бешергән аш-һыуҙы ғына табынға ҡуйып, барыһын да аптыратып, хайран ҡалдырған. Йор һүҙле, киң күңелле инәйебеҙ тормош иптәше Низаметдин менән дүрт балаға ғүмер биреп, бөгөн ейән-ейәнсәрҙәр, бүлә-бүләсәрҙәр һөйөп ҡыуана.

Гөлнара Солтанова.

Ҡулдарында  нағыш балҡый
Ҡулдарында нағыш балҡый
Автор:Зимфира Нартдинова
Читайте нас: