Баҫыуҙа эштәр гөрләй

Балтас районы хакимиәте башлығы Илгиз Субушев һәм уның беренсе урынбаҫары Фларит Хәбипов игенселәр менән осрашып, эштәр барышы менән танышты. 

• Барлыҡ техника ла сафта, баҫыуҙар тулыһынса кәрәкле ашламалар менән эшкәртелде. Тупраҡтың дымлылығы ла етерлек күләмдә. Әлеге ваҡытта 600 гектар ергә арыш сәсеү планлаштырыла, — тип баҫыу эштәре менән таныштырҙы йәмғиәт директоры Фидәрит Мирһәжев.

Бирелә ауыл хужалығы эшсәндәре иртәнән кискә тиклем ең һыҙғанып эшләй. Сәсеү агрегаттарында механизаторҙар Марс Туҡаев, Альберт Яндубаев, заправкалаусы Данил Мосабиров, орлоҡ менән тәьмин итеүсе Ренат Шакирйәнов көс һала. Финат Шәйнуров сәсеүгә ерҙе алдан эшкәртеп бара, ә Марсель Шакиров иһә сәселгән культураларҙы катоклай.

“Рассвет” йәмғиәтендә әлеге ваҡытта 40 гектар ерҙән борсаҡ йыйып алынған, тритикалы культураларҙы һуғыу эштәре бара. Хужалыҡ, йылға ҡарата, яҡшы уңыш алған.

Гөлфизә Хәсбетдинова.