Оло Тәләк фажиғәһе онотолмай...

“Оло Тәләк фажиғәһе: ҡайғы һәм хәтер китабы” китабы Башҡортостан Республикаһы Башлығы ҡушыуы буйынса “Башҡорт энциклопедияһы” нәшриәте тарафынан сығарыла һәм Оло Тәләк фажиғәһенә бағышлана.

Китапханасылар егет һәм ҡыҙҙарға 1989 йылдың 3 июненән 4 ҡарай төндә Иглин районында булған һәләкәт тураһында һөйләй. “Новосибирск – Адлер” һәм “Адлер – Новосибирск” поездары осрашҡан һәм шул мәлдә, тәмәке төпсөгөнәнме, тәгәрмәс ышҡылыу осҡононанмы, газ болотона ут ҡапҡан. Күләмле шартлау яңғырағандан һуң янғын башланған. Ике поездың 37 вагонынан етәүһе тулыһынса янып бөткән, 26-һы эстән янған, 11-е, ысҡынып, юлдан ситкә ауған. Гигант янғында 250-нән ашыу кеше шунда уҡ көл-күмергә әйләнгән, ғаиләләре, кластары менән юҡҡа сыҡҡан. Теүәл һанды әйтеүе ҡыйын, ни өсөн тигәндә, эҫелеге 1000 градустан ашҡан ялҡында тимер ҙә ирегән...

Студенттар ошо фажиғәне бөтөрөүҙә ҡатнашыусыларҙың ҡыйыулығы һәм сыҙамлығы тураһында белә.

Сара аҙағында һәләк булыусыларҙы бер минут тын ҡалып иҫкә алалар.

Гөлнара Шәймөхәмәтова.