+30 °С
Болотло
Общие статьи
1 Июнь 2021, 10:25
Ҡулдарҙа — таныҡлыҡ
Ошо көндәрҙә мәктәптәрҙә, балалар баҡсаларында сығарылыш кисәләре үтә. Бөгөн Асҡын Балалар сәнғәт мәктәбендә белем алған балалар ҙа ҡулдарына таныҡлыҡтар алып, йәйге ялға туҡтаны
Тантанаға килгән ата-әсәләрҙе, уҡыусыларҙы, педагогтарҙы Балалар сәнғәт мәктәбе директоры Риваль Ринат улы Сәлимов уҡыу йылын уңышлы тамамлау һәм сираттағы сығарылыш менән ҡотланы. Ул балаларға бөгөнгө байрам уңайынан бәхетле бала саҡ, уҡыуҙарында уңыштар, һәләтле, тырыш, маҡсатсан булып үҫеүҙәрен теләне. Риваль Ринат улы тантанала сәнғәт мәктәбенең барлыҡ бүлектәрендә уҡыған йырға, бейеүгә, һүрәт төшөрөргә, төрлө музыка ҡоралдарында уйнарға һәләтле сығарылыш класс уҡыусыларына таныҡлыҡтар тапшырҙы.
Сара бергәләп иҫтәлеккә фотоға төшөү менән тамамланды.
Илһөйәр Махатова.
