+30 °С
Болотло
Общие статьи
25 Май 2021, 10:25
Хәрби частан Рәхмәт хаты алдылар
Ҡариҙел егете Марсель Арысланов Мәскәү өлкәһендә намыҫ менән хеҙмәт итеп, хәрби әҙерлектә юғары күрһәткестәргә ирешә
Армиянан килгән рәхмәт хаттары һалдаттарҙың ата-әсәләре өсөн һәр ваҡыт ҙур шатлыҡ. Ошо көндәрҙә Ҡариҙел районы Йәштәр ҡасабаһында йәшәүсе Әнфисә менән Роберт Арыслановтарға улдары Марсель хеҙмәт иткән хәрби частан Рәхмәт хаты килде һәм улар улдарының тыуған яҡ данын юғары күтәреүен белде.
“Улығыҙҙың шундай өлгөлө һалдат булыуында һеҙҙең өлөш ҙур. Һеҙгә аҡыллы егет тәрбиәләп үҫтергәнегеҙ өсөн рәхмәт һүҙҙәребеҙҙе еткерәбеҙ, улығыҙҙы лайыҡлы Ватан һаҡсыһы, ил гражданы итеп сыныҡтырғанығыҙ өсөн алдығыҙҙа баш эйәбеҙ”, — тиелгән һүҙҙәр яҙылған рота командиры, капитан А.М. Леоненко хатында.
Люция Карамова.
Ҡариҙел районы.
