+19 °С
Дождь
Общие статьи
20 Января 2021, 06:27
Ауыл биләмәләре үҫеш юлында
Район хакимиәте башлығы Айҙар Шәйҙуллин Яңы Бәрҙәш, Ҡараяр һәм Магинск ауыл биләмәләренә эш сәфәре менән барҙы.Ҡариҙел районы.
Яңы Бәрҙәш ауыл Советы биләмәһендә Айҙар Әнғәм улы Шамрат ауылы эргәһенән аҡҡан Йүрүҙән йылғаһы ярында урынлашҡан “Альфа” туристик базаһында булды. Эшҡыуар Фәнил Юнысов һөйләүенсә, ял итеүселәргә 40-лап кешене ҡабул итергә мөмкин булған ҙур ҡунаҡ өйөндә “люкс” класлы номерҙар бирелә. Республиканың экологик яҡтан таҙа төбәктәренең береһендә ял итеүҙән тыш, ҡунаҡтарға күңел асыу төрҙәре лә бихисап тәҡдим ителә.
Артабан делегация Яңы Бәрҙәш ауылында мәктәпкә, балалар баҡсаһына, фельдшер-акушерлыҡ пунктына һәм ауыл клубына барҙы. Әйткәндәй, бөгөн 90 урынға яңы мәктәп һәм 40 урынға балалар баҡсаһы төҙөү өсөн проект-смета документтары әҙер. Ауыл халҡы, бигерәк тә йәш ғаиләләр, ошо социаль объекттарҙы ҙур түҙемһеҙлек менән көтә.
Ҡараяр ауыл Советы биләмәһендә Айҙар Шәйҙуллин һәм уның командаһы тәүҙә ауыл табип амбулаторияһында булды. Бирелә баш табип Марат Мөхәмәтов учреждениела дауалау эшенең нисек ойошторолоуы, халыҡҡа ниндәй медицина хеҙмәттәре күрһәтелеүе тураһында һөйләне.
Етәкселәр “Ҡариҙел урман сәнәғәте союзы” эшмәкәрлеге менән дә танышты. Әлегә “КаСоЛ” составына ингән 28 предприятие ла ағас әҙерләү күләмен арттыра бара. Өс эшҡыуар ағастан йорттар төҙөү буйынса республика программаһында ҡатнаша. Шулай уҡ “КаСоЛ” ҡуртымсылары урмандарҙа йәш ағастар ултыртыу менән дә шөғөлләнә.
Ҡараяр урта мәктәбе уҡыусылар һаны буйынса иң ҙурҙарҙан һанала. Бирелә берҙәм, үҙ эшенең оҫталары булған уҡытыусылар эшләй. Тарих һәм йәмғиәт белеме уҡытыусыһы Резеда Хәйруллина ҡунаҡтарға картина галереяһы буйлап мини-экскурсия үткәрҙе.
150 урынға иҫәпләнгән клуб төҙөлөшө сәфәрҙең артабанғы пункты булды. Әлеге ваҡытта “Акрополь” компанияһы бинаның эсен биҙәкләү эштәре менән мәшғүл.
Ҡунаҡтар “Партнер” йәмғиәте базаһында булдырылған бағыр балығы үрсетеү хужалығына юлланды. Хужалыҡ туристар араһында ла бик популяр. Бирелә ғәҙәти булмаған ферманы ҡарарға ғына түгел, ә билдәле хаҡ түләп, балыҡты ашатырға һәм йәтмә менән тоторға ла мөмкин.
Магинск ауыл Советы биләмәһенә сәфәр Винер Фәйезов етәкләгән ”Альпийский” йәмғиәтенән башланды. Ул – ағастан төҙөлөш материалдары етештереүсе иң ҙур предприятиеларҙың береһе. Етештереү ҡеүәте йылына мең кубометр тәшкил итә. Бурса, таҡта, евровагонка, шпунтлы таҡта, плинтустар, блокхаустар, классик стилдәге йыһаз, бура, утын һәм башҡалар ҙур һорау менән ҡулланыла. Етештереү әлеге ваҡытта ҡалдыҡһыҙ һанала, тупланған бөтә ағас ҡалдыҡтары “Кроношпан” йәмғиәтенә оҙатыла. Магинск ауылында предприятие тарафынан һәр ҡайһыһы 44 квадрат метр майҙанлы дүрт йорт төҙөлгән.
Аръяҡҡа сәфәр Магинск урта мәктәбе һәм ауыл күп функциялы клубына барыу менән тамамланды.
Артабан делегация Яңы Бәрҙәш ауылында мәктәпкә, балалар баҡсаһына, фельдшер-акушерлыҡ пунктына һәм ауыл клубына барҙы. Әйткәндәй, бөгөн 90 урынға яңы мәктәп һәм 40 урынға балалар баҡсаһы төҙөү өсөн проект-смета документтары әҙер. Ауыл халҡы, бигерәк тә йәш ғаиләләр, ошо социаль объекттарҙы ҙур түҙемһеҙлек менән көтә.
Ҡараяр ауыл Советы биләмәһендә Айҙар Шәйҙуллин һәм уның командаһы тәүҙә ауыл табип амбулаторияһында булды. Бирелә баш табип Марат Мөхәмәтов учреждениела дауалау эшенең нисек ойошторолоуы, халыҡҡа ниндәй медицина хеҙмәттәре күрһәтелеүе тураһында һөйләне.
Етәкселәр “Ҡариҙел урман сәнәғәте союзы” эшмәкәрлеге менән дә танышты. Әлегә “КаСоЛ” составына ингән 28 предприятие ла ағас әҙерләү күләмен арттыра бара. Өс эшҡыуар ағастан йорттар төҙөү буйынса республика программаһында ҡатнаша. Шулай уҡ “КаСоЛ” ҡуртымсылары урмандарҙа йәш ағастар ултыртыу менән дә шөғөлләнә.
Ҡараяр урта мәктәбе уҡыусылар һаны буйынса иң ҙурҙарҙан һанала. Бирелә берҙәм, үҙ эшенең оҫталары булған уҡытыусылар эшләй. Тарих һәм йәмғиәт белеме уҡытыусыһы Резеда Хәйруллина ҡунаҡтарға картина галереяһы буйлап мини-экскурсия үткәрҙе.
150 урынға иҫәпләнгән клуб төҙөлөшө сәфәрҙең артабанғы пункты булды. Әлеге ваҡытта “Акрополь” компанияһы бинаның эсен биҙәкләү эштәре менән мәшғүл.
Ҡунаҡтар “Партнер” йәмғиәте базаһында булдырылған бағыр балығы үрсетеү хужалығына юлланды. Хужалыҡ туристар араһында ла бик популяр. Бирелә ғәҙәти булмаған ферманы ҡарарға ғына түгел, ә билдәле хаҡ түләп, балыҡты ашатырға һәм йәтмә менән тоторға ла мөмкин.
Магинск ауыл Советы биләмәһенә сәфәр Винер Фәйезов етәкләгән ”Альпийский” йәмғиәтенән башланды. Ул – ағастан төҙөлөш материалдары етештереүсе иң ҙур предприятиеларҙың береһе. Етештереү ҡеүәте йылына мең кубометр тәшкил итә. Бурса, таҡта, евровагонка, шпунтлы таҡта, плинтустар, блокхаустар, классик стилдәге йыһаз, бура, утын һәм башҡалар ҙур һорау менән ҡулланыла. Етештереү әлеге ваҡытта ҡалдыҡһыҙ һанала, тупланған бөтә ағас ҡалдыҡтары “Кроношпан” йәмғиәтенә оҙатыла. Магинск ауылында предприятие тарафынан һәр ҡайһыһы 44 квадрат метр майҙанлы дүрт йорт төҙөлгән.
Аръяҡҡа сәфәр Магинск урта мәктәбе һәм ауыл күп функциялы клубына барыу менән тамамланды.
Люция КАРАМОВА.
