+24 °С
Облачно
Общие статьи
7 Декабря 2020, 11:06
Иғтибар: тауыш биреү башланды!
“Тыуған ерем – Асҡыным” шиғыр яҙыусылар конкурсына#БашЯз2020#ДеньБашкирскогоЯзыка2020#БашҡортТеле2020#Баштел2020#АсҡынрайоныЙәнтөйәкгәзите#КонкурсстиховШишмә-Үрәкәй ауылында йәшәүсе мәғариф ветераны, ағинәй Әлфинә Зарипова “Йәнтөйәк” район-ара гәзите Башҡорт теле көнөнә һәм Асҡын районының 90 йыллығына арнап иғлан иткән конкурста ҡатнаша.Уның шиғыры менән түбәндәге һылтанма аша инеп таныша алаһығыҙ:
Асҡыным — тыуған яғым
Кем күрмәгән бер ҙә Асҡын яғын
Белмәй хатта ҡайҙа икәнен.
Айыу төйәге тип, юлһыҙ яҡ тип,
Ҡырағай яҡ тип, уйлай үткәнен.
Яңылышаһығыҙ, дуҫтар, яңылышаһығыҙ,
Күрегеҙ һеҙ килеп бер генә.
Ваҡытлыса ғына килеүсе лә
Төйәк итә мәңгегә үҙенә.
Асҡын ере тәбиғәте
Йәнгә, тәнгә дауаһы.
Тирә-яҡҡа дан таратты
“Танып” шифаханаһы.
Балыҡҡа бай йылға-күлдәр,
Тирә-яғында урман.
Баҡсаларҙа бешә еләк-емеш,
Баҫыуҙа игендәр уңған.
Сабаталы ауыл бабайҙары
Нигеҙ ҡороп нәҫел арттырған.
Матур киләсәген алдан күреп,
Өмөт менән таңдар арттырған.
Килде ул көн, оҙаҡ йылдар аша —
Бөгөн уға 90 йәш.
Матурлана, үҫә, әйтерһең дә,
Туй килерен көткән йәш кәләш.
Бөгөнгөһө яҡшы, киләсәгең
Гүзәлерәк булһын тағы ла.
Үҙ еремдә үҫеп бешкән икмәк
Һәр саҡ булһын беҙҙең табында.
Туған көнөң менән, Асҡыным!
Һинең менән ғорур атлайым.
Ҡайҙа булһам һине һағынып ҡайтам,
Башҡа гүзәл ерҙәр тапмайым.
Әлфинә Зарипова. Шишмә-Үрәкәй ауылы.