Изге һөнәр эйәһе

Асҡын ауылында йәшәүсе Ләйлә Муллаярова — ике ҡыҙға ғүмер биргән наҙлы, һөйкөмлө әсә лә, меңгә яҡын сабыйға яҡты донъяға килергә ярҙам иткән изгелекле һөнәр эйәһе лә. Ата-әсәләре фажиғәле вафат булғас, биш туғанына ҡәҙерле кешеләрен алмаштырған оло йөрәкле, көслө рухлы апай ҙа ул.

Ләйлә апай эш урынында асыҡ йөҙлө, изге күңелле, хеҙмәттәштәренең һәм пациенттарҙың оло ихтирамын яулаған шәфҡәт туташы булһа, өйөндә хәстәрлекле, уңған әсәй һәм тормош иптәше. Ул төрлө ризыҡтар бешерергә, ҡул эшенә оҫта, гөлдәр үҫтерергә ярата. Аҙаҡҡы ваҡытта китаптар уҡый, аяттар ятлай башлаған. Уңған хужабикә йәйгелеккә ҡаҙ, өйрәк, бройлер себештәр ҙә алып үҫтерә.

Ләйлә Исмәғзам ҡыҙының тормош иптәше Эмиль Фәнәүи улы 25 йыл эске эштәр органдарында хеҙмәт һалып, бер нисә йыл элек хаҡлы ялға сыҡты. Әлеге ваҡытта Себер яҡтарында эшләп йөрөй. Муллаяровтарҙың ғаилә ҡороуына быйыл 26 йыл тулған. Улар туғандарына, дуҫтарына, ауылдаштарына матур өлгө күрһәтеп, тырышып донъя көтә.

Илһөйәр Махатова.

Фотолар ғаилә архивынан.

Читайте нас:

© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Об использовании персональных данных

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)