Диагноз ҡуйыу еңелерәк буласаҡ

“Һаулыҡ һаҡлау” милли проекты сиктәрендә Нефтекама ҡала дауаханаһының диагностика хеҙмәте яңы рентген ҡоролмаһы – АРС-“Диаком” аппараты алды.

Аппарат яҫы панелле һанлы детекторлы. Ул ике эш урынын күҙаллаған һанлы рентгенографиянан һәм юғары етештереүсәнле флюорографтан тора. Был юғары сифатлы, ҙур форматлы рентгенограммалар төшөрөргә ярҙам итәсәк.

АРС-“Диаком” аппараты — рентабелле һәм һөҙөмтәле һанлы заман ҡоролмаһы. Уның ярҙамында түбәндәге йүнәлештәр буйынса төп рентген тикшереүҙәренең тулы спектрын һанлы форматта алырға була:

- дөйөм рентгенология;

- ортопедия;

- эске һәм күкрәк ҡыуышлығындағы ағзалар;

- нейрохирургия;

- травматология.

"Һаулыҡ һаҡлау” милли проектына килгәндә, Рәсәй Президенты Владимир Путиндың май указдарына ярашлы булдырылған был ғәмәлгә ярашлы, республикабыҙҙың медицина тармағы һуңғы йылдарҙа ҙур үҙгәрештәр кисерә, район һәм ҡалаларҙағы медицина учреждениеларының матди-техник базаһы заманға ярашлы яңыртыла. Нефтекама ҡала дауаханаһы эйә булған яңы аппарата та - шуға асыҡ дәлил.

Фото: health.bashkortostan.ru