Сейәнең ҡыҙарған мәле

Баҡсаларҙа сейәнең ҡыҙарып бешә башлаған сағы. Күп хужабикәләр уны йыйып ҡайнатма, компот эшләй, ҡайһылары шул килеш туңдырғыста һаҡлай, йәки киптерә. Сейә организм өсөн бик файҙалы.

Емеше составында шәкәр (17,5 процент), пектин, каротин, В, С, РР витаминдары, фолий кислотаһы һәм башҡа биологик әүҙем матдәләр бар. Сейәнең япрағы төрлө витаминдарға, ферменттарға, минераль тоҙҙарға һ.б. бай. Уны ҡыуаҡ сәскә атҡан мәлдә йыйыу кәңәш ителә. Киптереү, һаҡлау — ғәҙәттәгесә. Емеше һәм һуты аҙ ҡанлылыҡтан, һыуыҡ тейҙереп сирләгәндә (тын алыу юлдары шешкәндә) файҙалы.
Сейә япрағынан әҙерләнгән ҡайнатма бауыр һәм үт ҡыуығы шешкәндә, эс киткәндә ҡулланыла.

Дауаны әҙерләү: киптереп ваҡланған бер ҡалаҡ сейә япрағын бер стакан ҡайнар һыуға һалып, талғын утта 10-15 минут ҡайнатып алырға кәрәк. Аш алдынан көнөнә өс тапҡыр бер-ике ҡалаҡ эсергә.

Сейә емеше һабаҡтарынан әҙерләнгән ҡайнатма бөйөр ауыртҡанда, эс киткәндә файҙалы. Дауаны әҙерләү: ике балғалаҡ киптерелгән емеш һабаҡтарын бер стакан ҡайнар һыуға һалып, талғын утта 10-15 минут ҡайнатып алырға. Ашар алдынан көнөнә өс тапҡыр 1/3 стакан эсергә.

Ҡан баҫымы юғары булған осраҡта ла сейә һуты ярҙам итә. “Уны бер стакан эскәндә, хәлегеҙҙең яҡшырыуын үҙегеҙ ҙә тойорһоғоҙ”, - ти белгестәр. Сейә емешенең һөйәгендә амигдалин тигән көслө ағыу бар. Быны оноторға ярамай.

Автор фотоһы.

Автор: Карима Усманова

Читайте нас:

© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)