Бөтә яңылыҡтар
Общие статьи
1 Июнь 2020, 11:37

Һаумы, йәмле йәй!

Шөкөр, йылдың иң йылы, йомарт, бәрәкәтле, көнө йылды туйҙырыр миҙгеленә лә аяҡ баҫтыҡ. Йәйгә бәйле халҡыбыҙҙа ниндәй әйтемдәр, һынамыштар бар? Уларға күҙ һалайыҡ әле.

Һынамыштар
Июндә ҡояш ҡалҡҡанда томра булһа, көн боҙола.
Әгәр иртәнсәк үлән ғәҙәттәгенән нығыраҡ аңҡый икән – ямғырға.
Кисен сиңерткәләр сырылдауы асыҡ ҡына булып ишетелһә, иртәгәһенә аяҙ була.
Кистән ысыҡ мул төшһә, иртәгәһенә аяҙ булыр.
Ҡаҙаяҡ бөгәрләнһә – ямғырға.
Йәй ямғырлы булһа, ҡыш оҙон булыр.
Әйтемдәр

Май икмәк булдырһа, июнь бесән өлгөртә.
Йәйҙең йәме эш менән, көҙҙөкө емеш менән.
Йәйгә сыҡһаң — ҡышты, ҡышҡа инһәң, йәйҙе уйла.
Йәйҙең бер көнө ҡыштың бер аҙнаһына торошло.
Вайымһыҙ йөрөһәң йәй көнө, алымһыҙ булырһың көҙ көнө.
Йәйең рәтле булһа, сәйең шәрбәтле булыр.
Фото: rabina.livemaster.ru
Автор: Гөлдәр Яҡшығолова
Читайте нас в