Мәктәптән аҙыҡ-түлек йыйылмаһы алдылар

Ошо көндәрҙә мәктәп уҡыусыларына өйҙән уҡыу сәбәпле, аҙыҡ-түлек тупланмаһы тапшырыла башланы. Ул күп балалы аҙ тәьмин ителгән ғаиләләрҙә тәрбиәләнеүсе һәм сәләмәтлектәре яғынан мөмкинлектәре сикләнгән балаларға бирелә. Солтанай ауылынан күп балалы әсә Рәйсә Сәләхетдинова ла бер аҙналыҡ аҙыҡ-түлекте белем усағынан барып алды.

Ҡоро паектағы аҙыҡ йыйылмаһы төрлөсә: ул күп балалы, аҙ тәьмин ителгән ғаиләлә тәрбиәләнгән уҡыусыларға һәм физик мөмкинлектәре сикләнгән балаларға көнөнә нисә һум бүленеүенән сығып иҫәпләнә. Аҙнаһына бер тапҡыр бирелгән тупланмаға ярмалар, макарон изделиелары, консервалар, һут, печенье, көнбағыш майы һәм башҡа тиҙ боҙолмай торған аҙыҡтар инә. Уның составы һәр районда йәки ҡалала төрлөсә. Сәләхетдиновтар ғаиләһенә аҙыҡ йыйылмаһының ике төрлөһө лә тейеш.

Мәктәп йәшендәге балаларым өсәү: Фәнзәлиә — Асҡын 2-се урта мәктәбенең 10-сы, Илнар — 7-се, Ынйы 4-се класында белем ала. Әлеге мәлдә өсөһө лә тырышып өйҙән уҡый. Кем телефондан, кем ноутбуктан дәрестәр ала. Ошондай ауыр мәлдә дәүләт тарафынан күрһәтелгән ярҙамға бик шатбыҙ. Иш янына ҡуш тигәндәй, пакеттарға көн дә кәрәкле аҙыҡ-түлек һалынған. Дөйөм алғанда, ике төрлө ярма, макарон, һут, көнбағыш майы, ҡуйыртылған һөт, сәй, алма бик урынлы булды. Бындай ярҙамға балалар ҙа, үҙем дә бик шатландыҡ һәм хөкүмәтебеҙгә хәстәрлек өсөн бик рәхмәтлебеҙ, — тине Рәйсә Ғафурьян ҡыҙы.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)