Күптән түгел Асҡын районында «Етемдәргә — торлаҡ» дәүләт программаһы буйынса биш бала йортло булды. Уларҙың береһе —Урмияҙ ауылынан Рүзилә Ғәлиева.
Рүзилгә ата-әсәһе янында үҫеп, шатлыҡлы бала саҡ кисерергә тура килмәй. Уны һәм бер туған апаһын ауылдаштары Альфира менән Ансар Әхмәтдиновтар үҙ ҡанаты аҫтына ала. Был ғаиләлә Рүзилә менән Регина күңел тыныслығы, яҡлау табып, ғаилә усағы йылыһы тойоп үҫә. Дүрт малай тәрбиәләгән Альфира апай ҡыҙҙарҙы үҙе белгән бөтә эшкә өйрәтеп үҫтерә. Аш-һыу бешерергә генә түгел, ырғаҡ һәм энә менән оҫта итеп төрлө-төрлө әйберҙәр ҙә бәйләргә өйрәнә ҡыҙҙар.