Байрам кәйефе бүләк иттеләр

«Мәҙәниәт» милли проекты сиктәрендә алынған автоклуб – күсмә күпфункциялы мәҙәни үҙәккә мәҙәниәт хеҙмәкәрҙәре лә, районыбыҙҙың төпкөл ауылдарында йәшәүселәр ҙә бик ҡыуана.

Автоклуб ярҙамында йыл әйләнәһенә ял урындарында, йәйге һәм ҡышҡы майҙансыҡтарҙа төрлө мәҙәни- масскүләм саралар үткәрергә мөмкинлек булды хәҙер.

Бөгөн, Ватанды һаҡлаусылар көнөндә лә, район Мәҙәниәт йорто артистары Яңы Ҡаҙансы һәм Олойылға ауылында барып урындағы халыҡты байрам менән ҡотланы һәм күңелле концерт программаһы тәҡдим итте. Көн буранлы булыуға ҡарамаҫтан, халыҡ артистарҙы ихлас ҡаршыланы, һәр сығышты сәпәкәйләп, ысын күңелдән ҡараны.

Наилә Имаева.