Балтас районы Мағашлы-Алмантай ауылында «Шорыкйол» байрамы уҙҙы. Был мари теленән тәржемә иткәндә «һарыҡ аяғы» тигәнде аңлата. Уны православие динен тотоусыларҙың Раштыуа байрамы менән йыш сағыштыралар, әммә традицион мәжүси байрамдың үҙенсәлектәре лә бар. Мариҙар Шорыкйолды ҡышҡы ҡояш торошо осоронда билдәләй. Халыҡта ул Яңы йылдың башын символлаштыра тип һанала. Сара Бөтә донъя башҡорттары ҡоролтайы иғлан иткән "Айыҡ ауыл" республика бәгеһе сиктәрендә ойошторолдо. Байрамда шулай уҡ Түбән Иванай һәм Мишкә ауыл клубы коллективтары ла әүҙем ҡатнашты.
Байрамды асып, район хакимиәте башлығы Ильгиз Әхүәс улы Субушев сәләмәт йәшәү өлгөһөн алға ҡуйып йәшәргә саҡырҙы, киләсәктә лә ошо башланғыстар туҡланып ҡалмаһын ине тине. Сарала "Шорыкйол" театрлаштырылған тамаша күрһәтелде, мари уйындары, костюмдар конкурсы, йырҙар һәм бейеүҙәр булды. Байрам бик күңелле үтте.
Гөлназ Ғәлләмова.