Ҡариҙелдә “Хәтер баҡсаһы” акцияһы үтте

Ошо акция сиктәрендә 1941-1945 йылдарҙағы Бөйөк Ватан һуғышындағы Еңеүгә арнап, ағастар ултыртыла, аллеялар, парктар, скверҙар төҙөкләндерелә. Бөгөн Ҡариҙел районының Иҫке Бағаҙы ауылы янындағы диләнкәлә дүрт гектар майҙанда 16 мең шыршы үҫентеләре ултыртылды. Сарала Башҡортостан Республикаһы Дәүләт Йыйылышы — Ҡоролтай депутаты Светлана Туразянова, БР-ҙың Дәүләт техник күҙәтселеге инспекцияһы начальнигы Ринат Ғәлимов һәм район хакимиәте башлығы Айҙар Шәйҙуллин ҡатнашты.