+30 °С
Болотло
Байрамдар
24 Март 2021, 05:15
“Аҡбуҙат”та күңелле иртәлек үтте
Ҡашҡа ауылының “Аҡбуҙат” балалар баҡсаһында саф һауала Науруз байрамына арналған иртәлек уҙҙы.Тәрбиәләнеүселәр йырҙар йырланы, шиғырҙар һөйләне, күңелле уйындарҙа ҡатнашты. Әңгәмә барышында балалар байрам тураһында күп нәмә белде. Байрамға урман йәнлектәренең, Яҙһылыуҙың килеүе күңелле тамашаға әйләнде.
Тәрбиәселәр Флидә Нәфҡәт ҡыҙы Ғәлләмова, Эльвира Ҡәҙим ҡыҙы Фазлетдинова байрамды ойоштороуға күп көс һалды. Римма Фәнзәт ҡыҙы Ғәлләмова, Эльза Юныс ҡыҙы Әфтәхова, Мәдинә Мәзғәт ҡыҙы Дилмиева, Флүрә Ғәлимйән ҡыҙы Фәйзрахманова ролдәрҙе оҫта башҡарып, балаларҙың күңелен күтәрҙе. Иртәлек аҙағында бергәләп тәмлекәстәр менән тәмле самауыр сәйе эстеләр. Байрам барыһына ла оҡшаны.
Илһөйәр Махатова.
Флидә Ғәлләмова фотолары.
