+30 °С
Болотло
Байрамдар
11 Март 2021, 07:15
Асҡын 2-се балалар баҡсаһында Масленица гөрләп үтте
Ҡышты оҙатыу йәки Масленица — славян халыҡтарының борондан билдәләнеп килгән байрамы. Был йола ете көн дауамында үткәрелгән, тәбиғәт көстәренә, йыл миҙгелдәренә табыныу, уларҙың күңелен күрергә тырышыу менән бәйле булған. Районыбыҙҙа ла һуңғы йылдарҙа Масленица байрамы киң билдәләнә. Кисә Асҡын 2-се балалар баҡсаһында ла ҡышты оҙатыу һәм яҙҙы ҡаршы алыу йолаһы бик күңелле үтте.
Байрамда өлкән һәм әҙерлек төркөмдәре балалары ҡатнашты. Шат малайҙар һәм ҡыҙҙар Ҡышты оҙатып Яҙһылыуҙы ҡаршы алды. Улар әүҙемлек, етеҙлек, отҡорлоҡ күрһәтеп, күңелле эстафеталарҙа ҡатнашып, шаян Скоморох менән күңел асты. Сараның иң ҡыҙыҡлы өлөшө байрам ҡарасҡыһын ҡаршы алыу булды.
Масленица байрамы табынының төп атрибуты, әлбиттә, ҡоймаҡ. Сара аҙағында балаларҙы ашнаҡсылар бешергән тәмле ҡоймаҡтар менән һыйланылар.
Күңелле йола байрамы тәрбиәләнеүселәргә бик оҡшаны.
Масленица байрамы табынының төп атрибуты, әлбиттә, ҡоймаҡ. Сара аҙағында балаларҙы ашнаҡсылар бешергән тәмле ҡоймаҡтар менән һыйланылар.
Күңелле йола байрамы тәрбиәләнеүселәргә бик оҡшаны.
Илһөйәр Махатова.
Фотолар Асҡын 2-се балалар баҡсаһы сайтынан алынды.
