Конкурс башланды: тауыш бирергә онотмағыҙ!!!

Яңы йылды һәр саҡ ҙур тулҡынланыу менән көтөп алам. Алдан яҡындарыма бүләк әҙерләйем, уға иң изге теләктәремде яҙам. Үҙем сәйәхәт итергә, күберәк матур, иҫтәлекле урындарҙа булырға, күңелемә илһам, көс-дәрт алырға яратҡас, Яңы йылды яңы урындарҙа ҡаршыларға тырышам.

Быйыл да шулай булды. Дуҫтарым менән Ҡариҙел районында матур тәбиғәт ҡосағында урынлашҡан ял итеү базаһында ҡаршы алдым. Сәғәт уҡтары 12-гә еткәнен тышта сағыу итеп биҙәлгән, төрлө төҫтәргә инеп, бар донъяны нурлап торған Шыршы эргәһендә изге теләктәр теләп көттөк. Йылды нисек ҡаршы алаһың, ул шулай үтә, тиҙәр. Шуға мин яҡшы уй-ниәттәр менән, күңелемдә тик изгелекте ҡалдырып ҡаршы алам.